Imidlalo yaminyakayonke ye Prince Mangosuthu Legacy Cup izovula ngomkhaya baseSwatini naKwaZulu-Natal ePrince Mangosuthu Regional Stadium zingu 18 kuJuly.
Ngonyaka ophelile lemidlalo yanqotshwa iNsingizini Hotspurs yaseSwatini kanye naMazulu FC ngemuva kokuba umdlalo wamanqamu phakathi kwalamaqembu wamiswa ngenxa yesimo sezulu.
Kulokhu lamaqembu akhuze ibuya kanti azobhekana neMbabane Highlanders yaseSwatini kanye noLundi United lwasoLundi.
Kulokhu iNsingizini izovula lemidlalo neMbabane Highlanders abangomkhaya eSwatini nathe uNozipho Shabangu okhulumela iNsingizini lomdlalo wabo uzoba ngowamagqubu.
Kanti uSuthu luzobhekana noLundi United nalapho uThabani Ntshangase okhulumela uLundi United abawasabi AmaZulu futhi bawalungele.
AwaseSwatini azotholana phezulu ngo 9 ekuseni, kuthi awaKwaZulu-Natali atholane phezulu ngo 12 mini. Ozonqoba kulemidlalo yomibili uzodlala owamanqamu ozoqala ngo 3 ntambama.